Жарнамамен шұғылданушылар министрмен жалған сұхбат жасауға да барады екен

36 просмотров

Денсаулық және әлеуметтік даму министрі Тамара Дүйсеновадан Сейітқазы Матаевтың сұхбат алғаны, «ZB PAIN RELIEF» ортопедиалық жапсырма қағаздың тиімділігі туралы бірқатар Интернет порталда жарияланған сұхбат та жалған болып шықты.

Бұл туралы ақпарат ҚР Денсаулық және әлеуметтік даму министрлігінің ресми сайтында жарияланды.

Онда Сейітқазы Матаевтың Тамара Дүйсеновадан соңғы 1,5 жыл ішінде сұхбат алмағаны айтылады.

Ал бірқатар интернет порталдың баннеріне орналастырылып, лезде тарап кеткен вирусты жарнама материалдағы «ZB PAIN RELIEF» ортопедиалық жапсырма қағазы Қазақстанда тіркелмеген және оның емдік тиімділігі дәлелденбеген. Сондықтан оның министрлікпен қолданылуына кеңес берілуі мүмкін емес.

Емдік тиімділігі дәлелдегенген барлық дәрі-дәрмек Қазақстанның ұлттық дәрі-дәрмек тізіміне енгізілген. Онымен мына сілтеме — www.knf.kz арқылы таныса аласыздар.

Загрузка...