Жамбыл облысында конго-қырым безгегі ошағы жоқ жерден тіркелді
Жамбыл облысында конго-қырым безгегін жұқтырды деген күдікпен Сарысу ауданының екі адамы ауруханаға жатқызылды.
Бұл туралы облыстық төтенше жағдайлар департаменті хабарлайды.
«19 және 20 шілде күндері Сарысу ауданының Саудакент ауылдық ауруханасына Конго-қырым қызбасын жұқтырды деген күдікпен екі адам – 40 жастағы ер адам мен 65 жастағы әйел адам жатқызылды. Екеуінің де жағдайы тұрақты. Эпидемияға қарсы шаралар жасалып жатыр» делінеді ведомство таратқан хабарламада.
Айта кетейік, сәуір айында кене шаққан Байзақ ауданының тұрғыны көз жұмған болатын. Облыстық денсаулық сақтау басқармасы енді Байзақ ауданын да конго-қырым безгегінің ошағы бар аймаққа жатқызатындарын мәлімдеді. Облыс бойынша конго-қырым безгегінің ошағы Мойынқұм, Сарысу мен Талас аудандарында – 70 мың адам тұратын 49 елді-мекенде таралған болатын.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз