Астана әуежайында жалған құжатпен Киевке ұшпақшы болған Грузия Республикасының азаматы ұсталды, – деп хабалайды Көліктегі ішкі істер департаментінің баспасөз қызметі.
Елорда әуежайындағы желілік полиция бөлімінің қызметкерлері «Астана-Киев» рейсіне тіркеу кезінде 50 жастағы Грузия Республикасы азаматының көші-қон карточкасында ҚР ІшкіІсмині ішкі істер органдарының жалған мөрінің басылғанын анықтады.
2016 жылдың басынан бері Астана қаласы әуежайының желілік полиция бөлімінде жалған құжатты пайдалану бойынша 5 факт анықталып, тіркелді.
Сонымен қатар, есепті мерзім ішінде Көліктегі ІІД қызмет көрсету аумағында Қазақстан Республикасына келу ережелерін бұзған 1551 шетел азаматы әкімшілік жауапкершілікке тартылған.
Сот қаулысына сәйкес 104 шетел азаматы елден тысқары шығарылды.