Жұртты дүрліктірген полицей 22 жылға сотталды

39 просмотров

Атырау облысының қылмыстық істер жөніндегі мамандандырылған ауданаралық соты 2016 жылдың 3-мамырында бұрынғы полицей – қазіргі айыптылар Манарбек Өтеуов пен Асан Құрбанбаевқа қатысты үкім шығарды.

Сот үкімімен М. Өтеуов Қазақстан Республикасының Қылмыстық Кодексі 99-бабы 2 бөлігінің 5,8 тармақтарымен, 385-бабының 2 бөлігімен, 28-бабының 3 бөлігі, 191-бабының 2 бөлігінің 1,2,3 тармақтарымен, 191-бабының 2 бөлігінің 2 тармағымен, 361-бабының 4 бөлігімен, 188-бабының 3 бөлігімен, 380-бабының 1 бөлігімен кінәлі деп танылып, 22 (жиырма екі) жыл мерзіміне бас бостандығынан айыру жазасы тағайындалды. Жаза өтеу орыны қатаң режимдегі түзету колониясы болып белгіленді.

утеуов 4

Сонымен қатар, осы үкіммен А.Құрбанбаев та Қазақстан Республикасының Қылмыстық Кодексінің 188-бабының 3 бөлігімен кінәлі деп танылып, 4 жыл мерзіміне бас бостандығынан айырылды, ол жазасын жалпы режимінде  түзету колониясында өтейтін болады.

Естеріңізге сала кетейік, бұған дейін бұрынғы офицер тергеу изоляторында жатып жазған ашық хатымен елді дүрліктірген болатын. Онда экс-полицей өз басшылығын бопсалаумен, тонаумен, соттарды сатып алумен. тіпті. тапсырыспен кісі өлтірумен айналысты деп айыптаған болатын.

Аталған үкім заңды күшіне енген жоқ.

Загрузка...