Риодағы Олимпиадада 75 келі салмақта өнер көрсетіп жатқан жерлесіміз Жәнібек Әлімханұлы да жеңісті жолдан жаңылған жоқ.
Алғашқы кездесуінде британиялық Энтони Фаулермен кездескен Жәнібек қарсыласын оңай үтты.
Британиялық бірінші раундта жерлесімізбен тең дәрежеде жұдырықтасуға тырысқанымен, екінші кезеңде Жәнібек ойын тізгінін өз қолына алды. Дәл осы раундта Энтони нокдаунға түсті. Ал үшінші раундда да қазақ боксшысы қарсыласын ойнап жүріп соққының астына алды. Нәтижесінде Жәнібек Әлімханұлы ширек финалға жолдама алды..
Анықтама: Жәнібек Әлімханұлы
Туған жері: Алматы облысы Алакөл ауданының Жыланды ауылында дүниеге келген. 8 жасынан бастап бокспен шұғылданады.
Бойы: 179 см
Салмағы: 75 кг
Жетістіктері: халықаралық дәрежедегі спорт шебері, Алматыда өткен әуесқой бокстан әлем чемпионатының жеңімпазы, Инчхондағы Азия ойындарының жеңімпазы, Амманда өткен Бокстан Азия чемпионатының жеңімпазы.