Қолданыстағы зейнетақы жүйесі моделінің бір кемшілігі ол арада зейнетақы активтерін жалғыз мемлекет басқарады әрі зейнетақы салымшылары өз активтерін басқаруға мүмкіндік ала алмайды.
Бұл туралы Kapital.kz іскерлік порталындағы онлайн-конференция кезінде ҚР Ұлттық банктің төрағасы Данияр Ақышев мәлім етті.
„Салымшы өз жинағын басқаруға қатыспайды, сол себепті ол инвестициялық стратегияға ықпал ете алмайды, ең бастысы, басқарушы компания – мемлекеттің қызметін ешкіммен салыстыра алмайды, өйткені мұнда бәсекелестік орта жоқ„ – деді Данияр Ақышев.
„Зейнетақы активтерін басқаруда инвестициялық стратегия мен басқарушыны салымшының өзі таңдай алатындай болуы керек. Зейнетақы қызметі нарығындағы бәсекелестік ортаның болуы басқарушы компанияны ынталандырып, көбірек инвестициялық табыс әкелуге, қызмет сапасын арттыруға, нарықтық жағдайда инвестиция жасауға итермелеп, мүмкіндіктерге жол ашады. Ұлттық банкке зейнетақы жүйесін ары қарай реформалауда осындай таңдау келіп түсіп тұр. Бүгінгі таңда бұл ұсынысты бірқатар министрлік пен салалық мекемелер талқылап жатыр, – деді министр.