Қызылордалық полицейлер жағдайы төмен балаларға көмек көрсетті (фото)
Қызылордада Жергілікті полиция қызметкерлері тағы да 11 жасөспірімнің жаңа оқу жылына дайындалуына көмек берді.
Бұл туралы Қызылорда облыстық ІІД баспасөз қызметі хабарлап отыр.
Әлеуметтік жағынан аз қамтамасыз етілген отбасы балаларына, көп балалы отбасылардың балаларына, сондай-ақ ата-ана қамқорлығынсыз қалған жасөспірімдерге қолдау көрсету мақсатында еліміздің барлық аймақтарында өткізіліп жатырған «Мектепке жол» акциясынан Жергілікті полиция қызметінің қызметкерлері де шет қалмай, көмекке мұқтаж жасөспірімдердің оқуға қажетті керек-жарақтармен қамтылуын қамтамасыз етті.
Аталмыш шара жасөспірімдер қылмысымен күресте алдыңғы қатарда тұратын Ювеналды полиция бөлімінің ұйымдастыруымен 2016 жылдың 26 тамызы күні өткізілді. Қызылорда ОІІД Жергілікті полиция қызметінің бастығы полиция подполковнигі Қ.Қобландин әлеуметтік жағынан төмен отбасылардың 7 баласымен және «қолайсыз отбасы» санатымен есепте тұрған отбасының 3 баласымен кездесіп, мектепке баруға қажетті құрал-жабдықтары бар сөмке, мектеп киімдерін, аяқ киім, азын-аулақ азық-түліктер берді.
Осындай көмекке зәру балалардың бір сәттік қуанышына куә болған жергілікті полиция қызметкерлері балалардың қуаныш-шаттыққа кенелуі үшін қолдан келген көмектерін аямайтындықтарын жеткізіп, жаңа оқу жылында сәттілік тіледі.
Атап өтерлік жайт, осыған дейін қызылордалық полицейлер 84 оқушыға материалдық тұрғыдан көмек көрсеткен болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе