Қызылордада жетімдердің ақысын жеген шенді жауапқа тартылды

39 просмотров

Қызылордада жетім және ата-ана қамқорлығынсыз қалған 82 бала жәрдемақы алмай келген. Қалалық білім бөлімі жасөспірімдерге тиесілі 1 млн 600 мың теңгеден астам қаржыны өтеуге асықпаған.

Бұл туралы 24kz хабарлайды.

Сондай-ақ Жалағаш ауданындағы балабақша меңгерушісі тіркелген 39 бүлдіршіннің санын 60 деп көрсетіп, қаржы жымқырып отырған.

Бөбекжайдағы астыртын әрекетті әшкерелеген құзырлы орган өкілдері жыл басынан бері кәмелетке толмаған 3 мыңнан астам баланың конституциялық құқығы қорғалғанын айтады.

Манарбек Ерназаров, облыстық прокуратура басқармасының басшысы:

— Ұлттық қордан бөлінген 750 мың теңге мөлшерінде ақша қаражатын ысырап еткен факті тіркелді. Осы факт бойынша кінәлі тұлға тиісті жауапкершілікке тартылып, мемлекетке келтірген материалдық залалды толығымен өтеді.

Загрузка...