Қызылордада мектеп оқушыларына кәмпит беріп улайтын біреу шықты
Қызылорда облысы Тасбөгет ауылының оқушылары осындай біреудің құрбаны болды. Қазір оның алтауы ауруханада жатыр.
Тасбөгет ауылының №176 мектебінің оқушылары облыстық инфекциялық ауруханаға улану белгісімен келіп түсті деп хабарлады 24.kz.
Оқушылардың айтуынша, үзіліс кезінде белгісіз еркек келіп оларға кәмпит ұсынған. Полиция қызметкерлері қазір бұл фактіге байланысты тексеру жүргізіп жатыр, оқиға орнына прокурордың өзі де болды.
„Бастапқыда облыстық инфекциялық ауруханаға 10 оқушы келіп түскен, одан кейін тағы екеуі келді. Қазір алтауы ауруханада жатыр. Олардан барлық анализ алынды. Бұл іске қатысты сотқа дейінгі тергеу амалдары жүргізіліп жатыр„ – деді Қызыорда облысы прокуратура басқармасы бастығының орынбасары Нұрболат Дүйсембаев.
– Қазір барлық бала өзін жақсы сезінеді, ыстығы түскен, іштері ауырғаны қойған. Осы аптада барлық оқушыны үйлеріне босатамыз деп отырмыз, – дейді облыстық инфекциялық аурухананың бөлім меңгерушісі Жалғас Күдебаев.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе