Қызылордада 37 оқушы ҰБТ тапсырмай-ақ студент атанады

58 просмотров

Биыл Қызылорда облысында ҰБТ-ны тапсыру маусымның екісі мен төрті аралығында өтеді. Бұл туралы бүгін «Сыр медиа» ЖШС жанындағы облыстық коммуникация орталығында өткен брифингте облыстық білім басқармасының басшысы Бақытжан Сайлыбаев мәлімдеді, — деп хабарлайды inform.kz.

— Биыл облысымызда 6564 оқушы мектеп бітіріп жатыр. Оның 4559-ы ҰБТ-ға қатысады, яғни, мектеп бітіруші түлектің — 69,5 пайызы. Ал «Алтын белгіге» үміткер түлектердің саны — 329 оқушы,  «Үздік аттестатқа» үміткер — 123 оқушы, — деді Бақытжан Сайлыбаев.

Облыста ҰБТ тапсыру үшін 9 пункт, 104 аудитория дайындалған, оның екеуі — Қызылорда қаласында.

— Қорқыт ата атындағы ҚМУ-дің 5-ғимараты мен №2 мұрагер мектебі сақадай сай. Барлық қажетті құралдармен жабдықталған. Бейнекамералар орнатылған, ұялы телефонды тұншықтырғыш та жұмыс істеп тұр. Алыс аудандардан келетін оқушылар үшін 139 автобус дайындалды, — деді облыстық білім басқармасының басшысы.

Биыл облыста халықаралық конкурстардың жеңімпаздары атанған 37 мектеп бітіруші түлектер ҰБТ-дан босатылған, яғни, олар тестілеуден өтпей-ақ студент атану мүмкіндігіне ие болғандар.

Загрузка...