Бүгін ҚР Ішкі істер министрінің бірінші орынбасары полиция генерал-лейтенанты Марат Демеуов Қызылорда облысы ішкі істер департаментінің жеке құрамына жаңа бастықты таныстырды.
Бұл туралы ҚР Ішкі істер министрлігінің баспасөз қызметі хабарлады.
Мұхитов Қайрат Болатұлы Онтүстік Қазақстан облысында дүниеге келген. Ішкі істер органдарындағы қызметін 1983 жылы бастаған. 1987 жылы ҚР Ішкі істер министрлігі Қарағанды жоғары мектебін тәмамдаған.
Әр жылдары жедел қызметтерде басшылық лауазымдарда жұмыс істеді. Соңғы лауазымы – ҚР Ішкі істер министрлігінің Әкімшілік полиция комитеті төрағасының орынбасары.
Марат Демеуов жаңада тағайындалған облыстық полиция басшысына оның кәсіби және жеке қасиеттерін атап көрсете отырып, жемісті еңбек тіледі.