Атышулы МС Сайлаубек Қытайда жүр. Үрімжіде тұратын қандастарымызға барған Сәкең ол жақтағы қазақтардың көңілінен шыққан сияқты.
Сайлаубек аз уақыттың ішінде танымал болып, адам танымастай өзгерді. Өзін де, сөзін де түзеген сияқты. Айтпақшы, ұмытып барамыз тісін де…түзеді.
Қазір ол бұрынғы араққа салынған “әй, Сайлаубек”, “үй, Сайлаубек” емес, МС Сайлаубек.
Қандастарымыздың сөзі де кесек, мына видеода тілек айтып тұрған азаматтың пікірі соған дәлел:
– Сайлаубек бауырым, әнін айтып жатыр, күйін шертіп жатыр. Біз қазақты кереметтей данышпан халық дейміз. Қазақ шынымен қонақжай, көңілі дархан халық. Алайда кейде осы қазағымның бойынан ішітарлық байқалатын сияқты. Себебі, өзімізден жылт еткен өнер адамдарын осыншама қақпалаймыз. Сайлаубек ән айтпады делік. Ол кезде не істер едік?
https://www.instagram.com/p/BIlOo3lA8Yh/?taken-by=mcsailaubek.official
https://www.instagram.com/p/BIlPJhagcDc/?taken-by=mcsailaubek.official
Ал Сәкең көшеде арақ ішіп, мас болып жатқанда ше? Жарайды, басқаның тілінде айтса да, әйтеуір бір қазақтың баласы сахнада шырқап жатқан соң қолдауымыз керек. Қазақстанға баратындарың ауылдастарыңа Үрімжідегі бір журналистің өкпесін жеткізе барыңыздар. Бұдан былай Сайлаубекке тіл тигізбеңіздер. Ол Қытайға келіп, Үрімжі халқын бағындырып кетті”, – дейді ол.
Жоғарыдағы видеоны Сайлаубек өзінің Инстаграм парақшасына жүктеген екен. Ал видеоны тамашалаған қауым әртүрлі пікір білдірген. Қалай болған күннің өзінде қандастарымыз Сайлаубекті ренжіткен жоқ. Әнін айтқызып, қаламақысын қалтасына салып бергені анық.