Қытайда 2 мыңнан астам қазақ саяси-қуғын сүргін құрбандарының құрметіне ауыз бекітті

49 просмотров

Бүгін ҚХР-ның 24 аймағында білім алып жүрген Қытайдағы қазақ студенттері бірлестігінің 2 мыңнан астам белсендісі ашаршылық және саяси қуғын-сүргін құрбандарының құрметіне бір күн ораза тұтып, өткенді еске алды.

Фото: inform.kz
Фото: inform.kz

— Бүгін саяси қуғын-сүргін және ашаршылық жылдарында құрбан болғандарды еске алу үшін өз еркімізбен ораза ұстап отырмыз. Бұл — біздің қазақстандағы отандастарымызды қолдау және Қазақстан тарихына құрмет көрсету. Себебі, өткенімізді білмей, алға жылжи алмаймыз, — деді «ҚазАқпаратқа» берген сұхбатында Қытайдағы қазақ студенттері бірлестігінің басшысы Жігер Қабинұлы.

Оның айтуынша, қазіргі кезде шараға 2 мыңнан астам адам қатысқан.

Қытайдағы қазақ студенттерінің бірлестігіне ҚХР-дағы қазақ диаспорасының 15 мыңнан астам азаматы енетінін айта кетелік.

Қазақстанда 31-мамыр — Ашаршылық және саяси қуғын-сүргін құрбандарын еске алу күні. Бұл күні Қазақстанның бірқатар аумағында мал сойылып, Құран оқылып, ас берілді.

Загрузка...