Қырғыз депутаттары парламентте еркекті әйелінен қорғауды талап етті

30 просмотров

Қырғыз депутаттары Жоғарғы кеңестің соңғы отырысында отбасында әйелінен еркегін қорғау туралы мәселені көтерді.

Қырғыз социаль-демократиялық партиясының депутаты Қожобек Рыспаев „Отбасылық зорлық-зомбылықтан қорғану туралы„ заң жобасы талқысында осылай мәлім етті деп хабарлайды centrasia.ru.

«Құқығы аяқ асты болып жатқан еркек кіндіктілер көп. Әйелі баланы туады да күйеуін үйден қуып жібереді. Күйеуіне ойына келгенін жасап жүрген әйел қаншама? Еркектерге қатысты мұндай қысымды тоқтату керек. Олардың да құқығын қорғау керек„ — деді депутат.

Оны парламент спикері Чыныбай Турсунбеков те қолдады. Оның айтуынша, 2013 жылдан бері қарай, ер адамға жасалатын зомбылық фактісі 60 пайызға артқан.

„Ер адам үйіне достарын әкеле алмайды, әйелі оның арақ ішетінін-іштпейтінін қадағалайды. Мен ішкі істер министрінен: „Сіздер әйелдер арыз жазса, әсіресе жастары, қабылдайсыздар, ал еркек жазса, оны қабылдамайсыздар, неге„ деп сұрағым келеді„ дейді „Онугуу-Прогресс» партиясын танытушы депутат Камчыбек Джолдошбаев.

Загрузка...