Астана телеарнасында “Ой мен ойын” деген тағы бір жын-ойнақ бағдарлама шығыпты. Осы ойынға қатысты Нұрлан Еспанов арандап қалды. Видеодағы ойын барысында тұмсықтарын түйістірген Нұрлан Еспанов пен Абай Бегейді жұрт «сүйісті» деп айыптады.
Бұған Еспановтың өзі былай деп жауап беріпті:
«Бұл «Ой мен ойын» бағдарламасы, қызықтаймыз деп мұрт пен мұрынды көрсетеміз десек сүйістіріп асыра сілтегендеріңізге жол болсын. Дұрыс түсініңіздер. “Самаурынды су алыпты десе, Самарқанды су алыпты» деп отқа май құймағандарыңыз дұрыс болар. Бір-бірін батыр дейтін қазақпыз, ағайын!».
“Ойынның шартын біле тұра неге келістіңіз? Қалай ақталсаңыз да өте ерсі және ыңғайсыз көрінеді” десе, енді біреулері “ойын ғой, бір-бірімен сүйісетіндей не көрінді?”, “түймедей нәрсені неге түйедей қыласыңдар” деген пікір білдіріпті.