Мәжілістің вице-спикері Владимир Божко Қазақстанның экс-премьері Кәрім Мәсімовтің жақында ҰҚК басшысының лауазымына тағайындалуына қатысты өз пікірін білдірді, деп хабарлайды newskaz.ru.
«Өткен 25 жылда Қазақстанда бір қасық қан төгілген жоқ. Бізде ұлтаралық, конфессияаралық қақтығыстар болған жоқ. Бұл біздің президентіміздің үлкен жетістігі. Ол елімізде тұрып жатқан этностардың сан алуандығына ескере отырып, бүкіл халықтың мүддесін тепе-теңдікте ұстауға тырысады. Сонымен қатар, бізде осындай тату-тәтті ахуалдың қалыптасуыхалқымыздың толерантты, ақжарқын әрі кішіпейіл болуына байланысты», — дейді Божко.
Депутаттың айтуынша, Қвазақстанға келгендердің барлығы, жергілікті халықтың қонақжайлығын атап айтады екен.
«Біз басқаша өмір сүре алмаймыз, өйткені
дала солай тәрбиелейді, өзің риза қылып шығарып салған қонағың саған ешқашан қастандық жасамайды — ол сенің досың
Кәрім Мәсімов Ұлттық қауіпсіздік комитетіне жақсы басшы болады — президенттің бұл шешімі өз жемісін береді», — деген пікірде Божко.
Лаңкестік қауіп барлық елдерде артып отыр, сондықтан оларға тойтарыс беруге дайын болуымыз керек, деп есептейді Божко.
«Мен төтенше жағдайлар жөніндегі министр болған кезімде Кәрім Мәсімов меенің кураторым болған еді. Ол нақты әрі байсалды шешімдер қабылдайтын тәжірибелі басшы, сондықтан оның осы қызметке тағайындалуы біздің қоғамымыздың даму динамикасын қамтамасыз етеді деп ойлаймын.
Бұл адам 9 тілді еркіін меңгерген, шет елдерді, біздің елімізді жақсы біледі — 10 жылпремьер-министр болды, президент әкімшілігін басқарды
Бұл оған саяси үрдістерді, экономиканың дамуын, жанымыздағы және алыстағы көршілеріміздің әрекеттерін байсалды бағалауға мүмкіндік береді. Мұндай тағайындаудан біздің жүйеміз тек ұтады», — деп санайды Владимир Божко.