Вице-премьер әрі Ауылшаруашылығы министрі Асқар Мырзахметов Үкімет отырысында жалған анықтама жасайтын мал дәрігерлеріне ветеринария саласында орын жоқ деп мәлімдеді.
Бұл туралы ҚР Үкіметінің ресми сайтында хабарланды.
Осыған байланысты, Аcқар Мырзахметов ветеринария саласында ондай мамандарға орынның жоқтығын, сондай-ақ, қиғаш ісі дәлелденген жағдайда дереу жұмыстан шығару керектігін айтып өтті.
«Қызметтік тергеу жүргізілуде дейсіздер. Мынау деген қылмыспен пара-пар. Ішкі істер органдары өз құзыреті шегінде мәселені қарастыра жатар. Бірақ, біз өз деңгейімізде мұндайға жол бермеуіміз керек. Еңбек шартында осындай әрекеттерге жауапкершілік көрсетілуі керек. Ветеринарияда мұндайға орын жоқ. Тез арада жағдайды түзеуді тапсырамын. Іс нәтижесі бойынша маған қосымша баяндаңыздар», – деді Асқар Мырзахметов.
Сондай-ақ, алқа отырысында вице-премьер баршаға мәлім деректерді ортаға сала бермей, өткір мәселелерді талқылауға шақырды. Тек сонда ғана жұмыс жемісті әрі нәтижелі болмақ.