Венесуэла мен Парагвай мемлекеттері ат құйрығын үзісті

186 просмотров

Венесуэла мен Парагвай арасындағы алыс-беріс пен барыс-келіс толықтай тоқтады.
Бұл туралы Парагвай сыртқы істер министрі мәлімдедідеп хабарлады ТАСС.

Бұған дейін елшісін шақыртып алған Парагвай билігі Венесуэланы Оңтүстік Америкадағы ортақ нарық құрып отырған одақтың төрағасы ретінде мойындамайтынын және олар өткізген кез келген жиынға қатыспайтындарын жеткізді.

Олардың мұндай қадамға баруына Венесуэла президенті Николас Мадуроның сын сөздері себеп болыпты. Себебі, осыған дейін Парагвай, Бразилия және Аргентина билігі «Меркосур» төрағалығын Венесуэлаға көшіру туралы келісімге қарсы болған еді.

Олардың пайымдауынша, Венесуэла бүгінгідей саяси және экономикалық дағдарыста отырып Оңтүстік Америкадағы ең ірі сауда және экономикалық одаққа төрағалық ете алмайды.

Загрузка...