Той кортежінде оқ атып, ойқастағандардың барлығының көлігі айыптұраққа жөнелтілді

111 просмотров

Оңтүстік Қазақстан облысының тәртіп сақшылары Шымкент қаласында жол жүру ережесін өрескел бұзған той кортежінің жүргізушілеріне қатысты әкімшілік хаттама толтырды.

Бұл туралы Оңтүстік Қазақстан облысы ішкі істер департаментінің баспасөз қызметі хабарлады.

Естеріңізге салар болсақ, 2016 жылдың 7-қыркүйегінде әлеуметтік желілер мен ақпараттық агенттіктерде «Оңтүстік Қазақстан облысында той кортежі қатысушыларының бассыздығы» деген тақырыппен «Шымкент-Ленгір» тас жолында орын алған той кортежі жүргізушілерінің жол жүрісі ережелерін өрескел бұзғандығы, тіпті қару алып шығып, аспанға оқ атқандары түсірілген бейнеролик жарияланған болатын.

ОҚО ішкі істер департаменті жергілікті полиция қызметінің өкілдері аталған жайтқа қатысы бар жүргізушілердің жеке тұлғасын анықтады. Олар 1993 жылы туылған Шымкент қаласының төрт тұрғыны және 1987 жылы туылған Ақтөбе облысының тұрғыны екені белгілі болды.

Полицейлермен «Лада Приора» автокөлігінің жүргізушісіне ҚР Әкімшілік кодексінің 606-бабының 1-бөлігімен «Апаттық жағдай тудыру», «БМВ» автокөлігінің жүргізушісіне ҚР Әкімшілік кодексінің 593-баптың 1-бөлігі «Жолаушылар тасымалдау ережелерін бұзу» және 606-баптың 1-бөлігі «Апаттық жағдай тудыру», ал «Мерседес Бенц-280» және «Мерседес Бенц» маркалы автокөлігінің жұргізушілеріне ҚР Әкімшілік кодексінің 614-бабымен әкімшілік хаттама толтырылды.

Сондай-ақ «Крайслер» автокөлігінің жүргізушісіне ҚР Әкімшілік кодексінің 606-бабының 1-бөлігімен әкімшілік хаттама толтырылып, автокөліктер айыптұраққа жөнелтілді.

Загрузка...