ТМД саммитіне қатысқан көшбасшылар Атамбаевтың мерейтойын тойлайды

36 просмотров

ТМД мемлекеттері басшыларының саммитіне қатысу үшін Бішкекке ат басын тіреген көшбасшылардың басым бөлігі Қырғыз Республикасының президенті Алмазбек Атамбаевтың мерейтойына қалады.

Бұл туралы Қырғызстан Президенті аппараты сыртқы саясат бөлімінің басшысы Сапар Исаков мәлімдеді.

«17 қыркүйек күні қырғыз елінің басшысы 60 жасқа толады. Меніңше, мемлекет басшыларының басым бөлігі президенттің мерейтойына қалады», — деді Сапар Исаков.

Еске сала кетейік, кеше ТМД елдері мемлекет басшыларының мерейтолық саммитіне Нұрсұлтан Назарбаев, Владимир Путин, Эмомали Рахмон, Александр Лукашенко және Ильхам Алиев барды. Қалған қатысушы-мемлекеттер атынан Үкімет және сыртқы істер министрліктерінің басшылары келеді.

Загрузка...