ҚР ҰҚК Шекара қызметінің «Солтүстік» өңірлік басқармасында 2016 жылдың 10 тамызынан бастап заңсыз еңбек миграциясына тосқауыл қою мақсатында, шетелге шығатын теміржол бойында шартты атауы «Теміржол» деген атаумен шекаралық операция өткізілуде.
Бұл туралы ҚР ҰҚК шекара қызметінің баспасөз қызметі хабарлады.
Шекаралық операция аясында бірлестік учаскелерінде жоспарлы түрде шекаралық іздестірулер, рейдтік іс-шаралар өтуде, шекаралық бақылау бөлімшелері десанттық-шабуылдаушы заставалардың және біріккен әскери топтардың құрамымен күшейтілген.
Бұл іс-шара өңірлік басқарма басшылығының жекелеген талаптары, оның ішінде Шекара отрядтарының әскери-жауынгерлік қызметін құқықтық жағынан дамыту, жергілікті халықты ҚР Мемлекеттік шекарасын күзетуге тарту бағытындағы жұмысының нәтижелі түрде жүзеге асырылып отырғандығын көрсетеді.