Темекіні бұрқыратып тартып отырған 8 жастағы қазақ баласы түсіп қалған видео ағылшынның Mirror интернет басылымында жария болды.
Бірнеше күн бұрын әлеуметтік желіде бастауыш сынып оқушысының мектеп ауласында темекі шегіп тұрғаны түсірілген видео пайда болып, оны біздің медиа-портал жариялаған болатын. Онда 8–9 жас шамасындағы оқушы қазақ баласы темекіні бұрқыратып отыр. Жанындағы ересектеу оқушылар «қорықпа, қорықпа» деп қояды. Темекі тартысына қарағанда ол бұған әбден машықтанып алған.
Мектеп формасын киген сегіз жасар ұл баланың темекі шегіп тұрғанын сыныптастары немесе басқа оқушылар көріп, оны сыртынан телефон таспасына түсіріп, YouTube-ке жариялап жіберген секілді.
Ағылшын басылымында жарияланған бұл видео астындағы комментарийлерде KTL белгісімен шыққан азамат: «Менің ойымша, темекі тартып тұрған бала үлкендерге еліктеп отыр» десе, желінің тағы бір пайдаланушысы: «Ата-анасы темекі шеккендіктен, соларға ұқсағысы келген шығар. Бала кезінде барлығы темекі тартып көрген. Өкініштісі, ол Қазақстанда темекі шегетін жалғыз бала емес», – деп жазды.
https://www.youtube.com/watch?v=sObZvF2kXGk