Талдықорғандағы дауыл: ағаштар құлап, шатырлар ұшты

Талдықорған қаласында бүгін қатты дауыл тұрып, ағаштар құлады. Қатты жел кейбір тұрғын үйлердің шатырын жұлып кеткен. Интернетте Талдықорғанда ұйтқыған дауылдың зардабын түсірген видео да пайда болды.

Облыс орталығының тұрғындары дауыл кезіндегі суреттерді әлеуметтік желілерге жариялап жатыр. Ал интернетке салынған бейнежазбадан қатты тұрған жел сауда орталығының шатырын жұлып әкетіп, бірнеше автокөлікке зақым келтіргенін көруге болады.