Ол бұрын кісі өлтіріп, сотты болыпты.
Бұл туралы Қарағанды облыстық ішкі істер департаментінің баспасөз қызметі хабарлады.
Еске сала кетелік, әлеуметтік желіде Теміртауда педофиль жүргендігі туралы ескерту мәлімет тез тарап кеткен. WhatsApp арқылы ата-аналар 2-желтоқсанда қаладағы түрғын үйлердің бірінде 2-сынып оқушысына шабуыл жасаған педофил туралы, абырой болғанда қыз баланың оның қолынан сытылып шығып, көмек шақырып үлгергендігі жайында ақпарат таратқан.
Ал бүгін күдіктінің жедел-іздестіру шараларының барысында ұсталғаны айтылады. Ер адамның 1978 жылғы екені де белгілі. Бұған дейін ол кісі өлтіргені үшін сотты болған. Қазіргі уақытта күдікті уақытша ұстау изоляторына қамалды. Ал мектеп оқушысына психологтар көмек көрсетіп жатыр екен.