Тағайындалған сәтінен-ақ қазақша сөйлеген жаңа премьер-министр жұртты сүйсінтті

11 қыркүйек 2016, 8:54

“Өзімнің бар күш-жігерімді, білімімді, тәжірибемді осы жұмыста аянбай еңбек етуге арнаймын деп сізді сендіргім келеді. Нұрсұлтан Әбішұлы, сіз бүгін үкіметтің кеңейтілген отырысын өткіздіңіз. Сол кеңесте алдағы уақыттағы үкіметтің стратегиялық бағыт-бағдарламасын белгілеп бердіңіз.

Ең маңыздысы, сіз халқыңыз үшін, халқыңыздың ойында жүрген түйткілі, мәселесі – “Нұрлы жер” бағдарламасын орындауға тапсырма бердіңіз. Менің түсінігімде сіздің “Нұрлы жол” мен “Нұрлы жер” бағдарламаңыз Мәңгілік елдің мызғымас фундаменті болып саналатынына ешқандай күмәнім жоқ.

Сондықтан да үкімет парламентпен үйлесімді жұмыс жасай отырып, сіздің үкімет алдына қойған барлық тапсырмаларыңызды орындайды деп сендіремін” деді жаңа премьер-министр.