Түрмедегілердің теріс ағымдар ықпалына түсетіні өтірік — ресми орган өкілі

52 просмотров

ҚР Ішкі істер министрлігі Қылмыстық-атқарушы жүйе комитеті төрағасының орынбасары Мейрам Аюбаев түрмеге түскендердің діни радикалдық идеялардың ықпалына түседі дегенмен еш келіспейді.

Бұл туралы „Сынақтан өткізу туралы„ заң жобасын талқылауға арналған халықаралық жиын алдында журналистер қойған сауалға берген жауабында осы жүйенің өкілі мәлім етті деп хабарлайды Zakon.kz.

Мейрам Аюбаев барлық сотталушылармен кешенді түрде профилактикалық жұмыс жүргізілетінін, түрмедегі әрбір адаммен жекелей әңгіме болатынын айтты.

— Осындай қылмыспен сотталған адамдармен жекелей профилактикалық жұмыс жүргізіледі. Біз ғана емес, теологтар да нақты шаралар атқарады. Мысалы, қазір бір адам түрмеге түсіп, бір идеяның жетегіне кетті дегенмен мен келіспеймін, — дейді Мейрам Аюбаев.

Ол лаңкестік бойынша сотталғандармен жүргізілетін профилактикалық жұмыс ҚР Ұлттық қауіпсіздік комитетімен бірге атқарылатынын да баса айтты.

Загрузка...