Түрмеде көз жұмған қазақстандық дзюдошыға қатысты тың дерек анықталды
Дзюдодан Қазақстан чемпионы Бақытжан Әбдікәрімовтың өліміне қатысты іс «Өзіне-өзі қол жұмсауға дейін жеткізу» бабы бойынша жүргізілді.
Бұл туралы ҚР Ішкі істер министрлігінде «Ішкі істер органдары қылмыстық-атқару жүйесінде азаптауға қарсы іс-қимыл» тақырыбында өткен қоғамдық тыңдау кезінде ҚР ішкі істер министрінің орынбасары Рашид Жақыпов мәлімдеді деп хабарлайды BNews.kz.
«Аталған дерек бойынша қылмыстық іс қозғалды. Оны өзіне-өзі қол жұмсау дәрежесіне жеткізген. Анығын айтайын, оған зорлық-зомбылық әрекеті жасалған. Яғни, спортшының түрмеде отырған азаматтар мен полиция қызметкерлері ұрып-соққан», – деді вице-министр.
Биыл ақпанның 28 күні Павлодардың түрмесінде дзюдо бойынша Қазақстанның бірнеше мәрте чемпионы, осы спорт түрінен облыстық федерацияның вице-президенті Бақытжан Әбдікәрімов мерт болған. Ол түрме барагының терезесі жанынан тамағы кескіленіп, қансырап жатқан жерінен табылған. 2015 жылы спортшыны Баянауыл тұрғындарын ұрып-соқты, сабады деген айыппен ұстаған болатын.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе