Түркиядағы барлық әскери училищелер жабылмақ

84 просмотров

Түркия президенті Реджеп Ердоған елдегі барлық әскери училищелердің жабылатынын мәлімдеді. 
«Әскери училищелер жабылатын болады. Бірнеше күннен кейін ресми басылымда бұл туралы ақпарат жарияланады. Олардың барлығы ұлттық қорғаныс университетіне шоғырланатын болады», — деп мәлімдеді сенбі күні Ердоған А Haber телеарнасындағы сұхбатында.

Бұл өзгеріс Түркия президентінің Қарулы күштер саласында қолға алған жаңа реформасымен тығыз байланысты.  Мәселен, қазір елдегі әскери жағдай бас штабқа тікелей тәуелді болса, болашақта барлық әскери басшылар Қорғаныс министрлігіне ғана бағынуы керек болады.

Түркияда 16-шілдеде түнде әскери төңкеріс жасалмақ болды. Негізінен, бүлікшілер Анкара мен Ыстамбұл қалаларында ойрандады. Соңғы мәліметтерге сүйенсек, бүлікшілерді басу кезінде 246 түрік азаматы мерт болып, шамамен 2 мыңнан астам адам түрлі жарақат алған.

Загрузка...