Түркия билігі Гүленнің жиенін тұтқындады

40 просмотров

Түркия үкіметі елде төңкеріс жасамақ болды деп айып тағылған Түркияның белгілі қоғам қайраткері, теолог, жазушы Фетхуллах Гүленнің жиенін тұтқынға алды.

Бұл туралы Anadolu басылымына сілтеме жасаған .Гүленнің жиені елдің шығысындағы Эрзурум қаласында ұсталып, тергеу үшін Анкараға жеткізілді. Елдегі саяси сарапшылардың айтуынша, оған лаңкестік ұйымға мүше болған деген айып тағылуы мүмкін.

23 шілде күні Ердоған Түркиядағы Фетхуллах Гүлен негізін қалаған және оның қатысы бар білім мекемелерін жабуды көздейтін жарлыққа қол қойған болатын.

Сондай-ақ, Түркияның Әділет министрлігі 19 шілдеде Фетхуллах Гүленді елге экстрадициялау туралы АҚШ-қа сауал жолдады.

Айта кетейік, Ердоған елдегі төңкеріс Гүлен кінәлі екенін жариялағаннан кейін, көп өтпей-ақ қоғам қайраткері: «Менің ешқатысым жоқ. Халықаралық деңгейде бейтарап комиссия құрылып, төңкеріс әрекетіне менің қатысымның бар-жоқтығы анықталсын, нәтижесі нендей болса да, мен оған ризамын. Егер менің қатысымның бар екендігі анықталса, бұл жерден мені ешкімнің алып кетуінің қажеті жоқ, өзім билет алып, өз аяғыммен барамын» — деп өз жауабын берген.

Загрузка...