Түнгі клубтан шыққан соң жоғалып кеткен келіншекті өлтірді деген күдікті анықталды

136 просмотров

Түнгі клубтан шыққан соң жоғалып кеткен Балдырған Сыбанбаеваны өлтірді деген күдіктінің кім екені анықталды.

Бұл туралы Астана қалалық ішкі істер департаментінің баспасөз қызметі хабарлады.

«Астана қалалық ішкі істер департаментінің полицейлері азаматша Сыбанбаеваны өлтіруі мүмкін деген күдіктіні анықтады. Ол — 25 жастағы Астана қаласының тұрғыны. Қазіргі уақытта сот алдындағы тергеу амалдары аясында шаралар жүргізіліп жатыр. Оқиғаның басқа мән-жайы тергеу мүддесіне орай жарияланбайды», – делінген ведомство таратқан ақпаратта.

Кеше қалалық ішкі істер департаменті 26 маусым күні сағат 12:00 шамасында Пригородный кентінің жанындағы ағаштардың арасында осыған дейін із-түссіз жоғалып кеткен азаматша Балдырған Сыбанбаеваның зорлық белгілері бар мәйіті табылғанын, тергеу амалдарының барысында туыстары қайтыс болған азаматшаны танығанын жария еткен болатын.

19-маусымда Астана қаласы аумақтық ішкі істер басқармасының кезекші бөліміне түнгі сағат 03:00-де 33 жастағы келіншек Балдырған Сыбанбаеваның «Ретро» түнгі клубынан шығып кетіп, содан қайтып оралмағаны жайлы шағым келіп түскен.

Ол түнгі клубқа өзінің сіңілісі Қарлығаш Сыбанбаевамен барған. Сіңілісі әпкесі шаршап тұрғанын, ертерек үйге барып демалғысы келгенін айтып, кетіп қалғанын айтады. Марқұм Балдырған Сыбанбаеваның „Азат„ сауда үйінде өзінің бутигі болған.

Загрузка...