«Құтқарушы» полицейлер «Ерлігі үшін» медалімен марапатталды

68 просмотров

Отан қоғаушылар күні мерекесі қарсаңында еліміздің әр түкпірінде қызмет атқару барысында ерлік көрсеткен полиция қызметкерлері мемлекеттік «Ерлігі үшін» медалімен марапатталды.

 

Солардың бірі – Алматы қалалық ІІД Жергілікті полиция қызметінің жол-полиция патрулі полкінің аға сержанты Абдраимов Санжар. Ол 2015 жылдың 8-қарашасында қызмет бабында Саин мен Қабдолов көшелерінің қиылысындағы көпірден секіріп, өзіне қол жұмсамақ болған бойжеткенді ажалдан арашалап қалған.

Тағы бір аға сержант Нұртаев Нұрлыбек Амангелдіұлы Қызылорда ҚІІБ Жергілікті полиция қызметі Жол-патрульдік полиция батальонының полицейі болып қызмет атқарады. Ол — 2016 жылдың 23 қаңтарында сағат 17.30 шамасында Қызылорда қаласындағы «Сырдария» көпірінен Сыр өзеніне секіріп, ағып бара жатқан азаматты ауа-райының қолайсыздығына қарамастан, суға секіріп, құтқарып қалған.

IMG_8673 IMG_8727

Загрузка...