Сырғалым рөлін сомдаушы Жұлдыз Маханова тұрмысқа шықты

17 қазан 2016, 16:15

1757

Жұлдыз Қызылорда облысы Сұлутөбе ауылына келін болып түсіпті. Күйеу баланың аты-жөні беймәлім. Дегенмен оның өнер саласына қатысы жоқтығы белгілі болды. Ол Астанада жобалау компаниясында жұмыс істейді екен.

«Жұлдыз Маханова Сұлутөбе ауылына келін болды. Жігіт Астанада жұмыс істейді. Сонда тұрады. Жігіттің жоғары білімі бар. Астана қаласында құрылыс саласына қатысты жоба жасайтын компанияда қызмет етеді. Өнерге қатысы жоқ. Тойдан кейін Астанаға қайта оралады» деп жазды Бақыт Сансызбай атты әлеуметтік желіні қолданушы.

Ал Жұлдыздың немере ағасы, актер Мерей Маханов өзінің Facebook-тегі жеке парақшасында «Кешегі @zhuldyz_makhanova қарындасымның ұзату тойына атсалысып келген менің өмірдегі, өнердегі бауырларыма, басқа да биші қыз-жігіттерге алғысым шексіз!Алла разы болсын баршаларыңызға!» деп жазады.