Сот Немцовтың өліміне қатысты істі қарайтын алқа билер құрамын анықтады

26 просмотров

Мәскедің округтық әскери соты оппозициялық саясаткер Борис Немцовтың өліміне қатысты істі қарайтын алқа билер сотын жасақтады. «Москва» агенттігінің хабарлауынша, сот сәрсенбі күні 12 негізгі және 10 қосалқы алқа биді таңдап алған.

Соттың алғашқы отырысы 3 қазанға белгіленген.

Алқа билерді екінші мәрте жасақтады. Бірінші құрамның бірқатар мүшесі тамыздың аяғында жеке себептермен бұл істі қараудан бас тартқан еді.

Борис Немцов 2015 жылы 28 ақпанда түнде Мәскеу орталығында, Кремльге жақын маңда атып өлтірілді. Істе бес күдікті бар: ішкі әскердің бұрынғы офицері Заур Дадаев және төрт Шешенстан тұрғыны. Немцовтың туыстары мен жақтастары кісі өлтіруге тапсырыс берушіні табуды және Шешенстан басшысы Рамзан Қадыровты тергеуді талап етті. Олар Қадыровты осы қылмысқа қатысы бар деп есептейді.

b54fbcc4-1750-4b68-ba42-b9685d786762_w987_r1_s

Загрузка...