Солтүстік Қазақстан облысында бір отбасы уланып, ауыр халде ауруханаға түсті.
Бұл туралы Солтүстік Қазақстан облыстық балалар ауруханасының бас дәрігері Олег Завьяловқа сілтеме жасап, ҚазАқпарат хабарлады.
2-қазанда облыстық балалар ауруханасына Қызылжар ауданынан тағамнан уланған 5, 8, және 12 жастағы балалар жеткізілді. Қыздарды жан сақтау бөліміне жатқызды.
«Ауруханаға түскенде қыздардың барлығының жағдайы ауыр болды. Дереу интенсивті терапия жүргізілді. Қан орталығынан көп плазма жеткізілді. Тәулігіне әр науқасқа 1-2 литр плазма жұмсалды. Бактерияға қарсы терапия жүргізілді. Қыздар жан сақтау бөліміне түскеннен-ақ дәрігерлердің консилиумы өтті. Республикалық санитарлық авиация желісі бойынша реаниматолог пен Қазақстанның бас токсикологы шақырылды», – деді Олег Завьялов.