“Ислам мемлекеті” тобының содырлары Ауғанстанда америкалық қару-жарақты тартып алғандарын жариялады, деп хабарлады Reuters.
Содырлар гранаталардың, портативті зымыран қондырғысының, радиостанцияның және америкалық әскер қолданатын басқа да техникалардың суреттерін жариялады. Суреттердің бірінде АҚШ әскерінің бір сарбазының жеке құжаты бейнеленген.
АҚШ президенті Барак Обама биыл шілдеде Ауғанстан аумағында 2017 жылға дейін 8400 америкалық жауынгер қалатынын мәлімдеген еді. Бұған дейін әскер саны бес мыңға дейін қысқартылады деп жоспарланған еді.