Өскеменде «Ішімдіксіз жағажай» атты акция өтті

34 просмотров

Өскеменнің рудалық емес материалдар комбинатының жағажайында „Ішімдіксіз жағажай„ атты акция өтті. Акция аясында демалушы жастар, отбасылар спирттік ішімдікті қажетті құтқару құралына ауыстыра алды.

Бұл туралы Өскемен қаласының төтенше жағдайлар басқармасы хабарлады.

«Ішімдіксіз жағажай» атты акциясы «Демалыста ішімдікке жол жоқ» ұранымен өтті. Осы уақытта көбі демалуға келеді, спирттік ішімдік ішеді. Біз спирттік ішімдікті құтқару ысқырығына алмастыруға тырыстық, бұл жазатайым оқиғаға тап болғандар туралы дабыл беруге көмегі тиюі ықтимал» — дейді Өскемен қаласы ТЖБ баспасөз хатшысы Марина Лискова.

Өскемендік құтқарушылардың статистикасына сәйкес, шомылу маусымының басынан бері Шығыс Қазақстан облысында 30 адам суға кеткен. Мерт болғандардың басым бөлігі мас күйде болған.

Акцияны өткізуге жергілікті полиция қызметкерлері, құтқару қызметінің сүңгуірлері қатысып, судағы қауіпсіздік бойынша жадынамалар таратты. Апаттар медицина орталығының мамандары демалушыларға дәрігерге дейінгі көмек көрсету бойынша арнайы шеберлік класын көрсетті.

IMG_7031
Фото: Өскемен қаласының төтенше жағдайлар басқармасы

Загрузка...