Сирия Қырымды Ресейдің “ажырамас бөлігі” ретінде таныды
Сирия билігі 2014 жылы аннексияланған Қырымды Ресейдің айрылмас бөлігі ретінде мойындады. Бұл туралы Сирия парламентінің төрайымы Хадия Аббас ресейлік Sputnik газетіне берген сұхбатында мәлімдеген.
“Біз Қырымды Ресейдің ажырамас бөлігі деп мойындаймыз”, – деді Хадия Аббас. Оның айтуынша, Қырым “референдум арқылы халық қалауымен тарихи мәртебесіне қайта ие болды” және “бұл түбек тұрғындарының мүддесіне сай келеді”.
Қырым 2014 жылы Украинадағы үкімет дағдарысы кезінде Ресей құрамына енді. Сол кезде анықтама белгілерін тақпаған қарулы топ қырымдық билік органдарын басып алды, кейін Ресей президенті Владимир Путин қарулы топтың ресейлік әскер екенін мойындады. Халықаралық қауымдастық Ресейдің бұл әрекетін агрессия, басып алушылық және Украина аумағын аннексиялау деп бағалады.
Қазіргі таңда Қырымның Ресейге қосылуын Сириядан бөлек, Ауғанстан, Венесуэла, Куба, Никарагуа және Солтүстік Корея мойындап отыр.
Ресей қарулы күштері Сириядағы әскери операциясын 2015 жылдың күзінде бастап, содан бері президент Башар Асад жүйесіне қолдау көрсетіп келеді.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз