Шымкентте жұмыссыз жігіт асылып қалды
Шымкентте 49-жастағы азамат өз-өзіне қол салды. Осы факті бойынша қазір қылмыстық іс қозғалды.
Бұл туралы Оңтүстік Қазақстан облысы ішкі істер департаментінің баспасөз қызметі хабарлады.
Биыл 17-тамызда кешкі сағат 17:00 шамасында Шымкент қалалық ішкі істер басқармасына қарасты әл-Фараби полиция бөлімшесінің «102» желісіне ер азаматтың асулы тұрған өлі денесі табылғаны туралы хабарлама түсті.
Жәбірленушінің жеке басына тексеру жүргізген тәртіп сақшылары, оның 1967 жылы туылған Шымкент қаласының тұрғыны әрі жұмыссыз азамат екенін анықтады. Марқұмның артында әйелі және үш баласы қалды.
Аталған жайт қалалық ішкі істер басқармасы әл-Фараби полиция бөлімшесінің сотқа дейінгі бірыңғай тергеп-тексеру тізіліміне тіркеліп, ҚР Қылмыстық кодекстің 105-бабы, яғни «Өзін-өзі өлтіруге дейін жеткізу» бойынша қылмыстық іс қозғалды.
Сот-медициналық сараптама тағайындалды.
Қазіргі таңда қылмыстың орны алу барысы мен себептері анықталуда. Сотқа дейінгі тергеу амалдары жүргізіліп жатыр.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе