Шымкентте өз-өзін өртеп жіберген әйел ауруханада көз жұмды

174 просмотров

Қалалық №6 клиникалық аурухананың күйік бөлімшесінің меңгерушісі Мұхит Достыбаевтың айтуынша, 45 жастағы әйелді жедел жәрдем қызметі ауруханаға 8 тамыз күні түс уақытында жеткізген.

Бұл туралы Оtyrar.kz хабарлады.

— Шымкенттің полицейлері өзін өртемек болған әйелді құтқарды. Ол бізге келіп түскенде денесінің біраз бөлігін күйік шалған, жағдайы ауыр болды. Бірден жансақтау бөліміне жатқыздық. Науқас 9 тамыз күні кешкі сағат 18 шамасында қайтыс болды, — деді дәрігер.

Оның сөзінше, марқұмның денесін туыстары алып кеткен. Облыстық ішкі істер департаментінің хабарлауынша, 45 жастағы Шымкент тұрғыны өзін-өзі 8 тамыз күні түсте Абай саябағының маңында өртеген.

Оқиға орнына жеткен полиция қызметкерлері әйелдің үстіндегі өртті өшіріп, жедел жәрдем шақыртқан. Денесін күйік шалған әйел ауруханаға жатқызылған. Полицияның мәліметінше, әйел үстіне бензинге ұқсас жанғыш сұйықтық құйып өртепті.

Загрузка...