Жоғалған студент қызды өлтірді деген күдікке ілінген азаматтың соты басталды.
Бүгін аса ауыр қылмыс түрін қарайтын мамандандырылған сотта Әлишер Арғымбаевтың ісінің алғашқы сот отырысы өтті деп хабарлайды otyrar.kz.
Үстіміздегі жылдың 10 мамыры күні Шымкенттегі үйінен шыққан Айгерім Оспанбекова іс-түссіз жоғалған. Қыздың мәйіті 23 маусымда қазығұрт ауданының Бағыс ауылы маңында табылған. Тас жолдан 130 метрдей қашықтықта жатқан өлі қыздың мойны мен оң қолы және аяғы скотчпен және белбеумен байланған болып шықты.
Жедел-іздестіру іс-шаралары барысында облыстық тәртіп сақшылары 1990 жылы туылған Сарығаш ауданының тұрғынын күдікті ретінде құрықтаған болатын.
Алайда сот отырысында күдікті өзіне тағылып отырған айыпты мойындамайтынын білдірді. Айыпталушыны адвокаттан бөлек анасы да қорғайтын болады. Прокурор айып таққан соң, куәгерлер сұралатын болады.