Оңтүстік Қазақстан облысында полиция із-түссіз кеткен Нұрипа Құрбанованың өліміне күдікті оның 27-жастағы күйеуін құрықтады.
Бұл туралы облыстық ішкі істер департаментінің баспасөз қызметі хабарлады.
Естеріңізге салсақ, биыл 11 тамызы күні, Сарыағаш аудандық ішкі істер басқармасының полиция бөлімшесіне 27 жастағы жергілікті тұрғын өзінің 1989 жылы туылған әйелі – Құрбанова Нұрипа Талғатқызы үйінен Шымкент қаласы бағытына шығып, қайта оралмағаны туралы арызданған болатын.
Олар бірлесе отырып, жүргізген жедел-іздестіру іс-шаралары барысында Құрбанова Нұрипаның із-түссіз жоғалуына оның 27-жастағы күйеуінің қатысы болуы мүмкін деген жорамалды қарастырған. Сұрауға алынған күдікті өз кінәсін толық мойындап, әйелінің мәйіті жатқан жерді көрсетіп берді.
Күдікті әйелінің өлі денесін Жібек жолы ауылы маңындағы Келес өзеніне апарып, батырып жіберген болып шықты.
Аталған жайт бойынша ҚР Қылмыстық кодексінің 99-бабы, яғни «Адам өлтіру» бойынша қылмыстық іс қозғалып, күдікті тергеу абақтысына жабылды. Бірқатар сот-медициналық сараптамалар жүргізу тағайындалды.
Қазіргі таңда қылмыстың орны алу себебі мен барысы анықталып жатыр. Сотқа дейінгі тергеу амалдары жүргізілуде.