Шымкентте ер адам әткеншек теуіп отырған 4 жасар қызға азғындық жасады

3 799 просмотров

Шымкентте 34 жастағы ер адам әткеншек теуіп отырған 4 жасар қызды ертіп әкеткен. Оны көрген басқа балалар үлкендерге хабар бергенмен, өкінішке қарай, барлығы кеш болған секілді. Үлкендер балақайды тұрғын үйдің артынан қансыраған күйі тауып алған.

Бұл жан түршігерлік оқиға кезінде қыздың анасы жұмыста болған екен. Бұл туралы ТВК арнасы хабарлайды.

Кеше кешкі сағат 19.00 -20.00 арасында „Минутка„ кафесінен бір мас ер адам шығады. Ол көпқабатты тұрғын үйдің ауласына бет алады.Сол жерде әткеншек теуіп отырған кішкентай қызды көріп, оны қолынан ұстап, ертіп кетеді.

Мұны ойнап жүрген басқа балалар байқап, жүгіріп үлкендерге хабар береді. Тұрғын үйдің тұрғындары қызды қансыраған күйі тауып алады. Олар бірден полицияға хабар берген. Біраз уақыттан соң күдікті педофил қолға түскен. Оны көрген балалар таныпты. Дегенмен мас адам өзіне тағылған айыпты мойындамады. Қазір ол тергеліп жатыр.

Болжам бойынша, педофил Ордабасы ауданынан келген жұмыссыз. Оның әйелі, бала-шағасы бар көрінеді. ТВК арнасы күдікті педофилді ұстау операциясына қатысып, оны виедоға түсіріп алған.

Загрузка...