Шымкент әуежайынан 400-ден аса адам Меккеге қажылыққа аттанды

17 просмотров

Шымкент әуежайынан төрт жүзден астам адам алғашқы қажылыққа аттанды. Қажылыққа аттанушылар ресми түрде алғаш рет салтанатпен шығарып салынды.

Атап айтқанда, «Атлас туризм» арқылы 28, «Хикмет травел» — 12, «Әл Маруа» — 197, «Қызмет саяхат» — 40, «Санабил» — 100, «Хидаят нұр» арқылы 20 адам аттанбақ  деп жазады Muftyat.kz.

Бұл игі шараға ҚМДБ төрағасы, бас мүфти Ержан қажы Малғажыұлы мен Сауд Арабия Карольдігінің Қазақстандағы Төтенше және өкілетті елшісі Горм Сайд Малхан, Оңтүстік Қазақстан облысының әкімінің орынбасары Ұлысбек Сәдібеков, ҚМДБ найб мүфтиі Серікбай қажы Ораз, өкіл имам Ахметжан қажы Керімбек қатысып, азаматтарға сәт сапар тіледі.

Қазақстан азаматтарын қажылыққа халықаралық «Flay Nas» әуе компаниясы тасымалдайтын болды. Қазақстан Мұсылмандары Діни басқармасы мен Сауд Арабиясы Корольдігінің өкілдері осындай ортақ мәмілеге келді. Мұсылман қауымы үшін Исламның бес парызының бірі — қажылыққа бару болса, осы жылы қасиетті орынға құлшылық етуге елімізден үш мыңнан астам азамат аттанады.

Алла еліміз азаматтарының қажылық амалдарын қабыл етіп, Қазақ елі тыныш, жұртымыз аман болғай.

Загрузка...