Шымкент базарындағы атыс қарыз салдарынан болған

192 просмотров

Оңтүстік Қазақстан облысының полицейлері Шымкенттегі базарда болған атыстың себебін анықтады, деп хабарлады ҚазАқпарат.

Полицейлер Шымкенттегі «Ақбар» базарында болған атыс ер адамдар арасында туған даудан кейін болғанын анықтады, деп хабарлады ОҚО ІІД баспасөз қызметінен.

Белгілі болғандай, бутик иелерінің біріне бұрыңғы танысы көлікпен келіп, өрт дабылқаққышын орнатып бергені үшін қарызын қайтаруды талап еткен. Алайда ерлер арасында дау туындаған. Оның барысында «күтпеген қонақ» қару алып шығып, сырт жаққа екі рет оқ атқан. Кейін оқиға орнынан ізін суытыпты. Оның тұлғасы анықталды, қазір қолға түсіру бойынша шаралар жүргізіліп жатыр.

Аталған факті бойынша «Бұзақылық» бабы бойынша сотқа дейінгі тергеу амалдары жүргізілуде.  Полицияда атыс салдарынан ешкім жапа шекпегенін айтты.  Ішкі істер органдарына ешкім шағымданбаған.

20161028184638

Загрузка...