Шығыс Қазақстанда заңсыз ауланған 8 тонна балық тәркіленді

22 просмотров

Шығыс Қазақстан облысында полиция прокуратура қызметкерлерімен бірлесіп, 8 тонна балықты заңсыз әкетіп бара жатқан жүк көлігін ұстады.

Бұл туралы Шығыс Қазақстан облысы ішкі істер департаментінің баспасөз қызметі хабарлады.

Шығыс Қазақстанда ірі көлемде заңсыз ауланған балықты тиеген жүк көлігі Алматы облысына өтпек болды. Жүк көлігін полиция қызметкерлері „Аягөз-Өскемен„ жолында Аягөз қаласына жақын маңдағы „Аслан„ кафесі жанында тоқатты. Тексеріс кезінде жүргізуші жүк көлігінің құжатын ғана көрсеткен, ал жүкке қатысты ешқандай құжаты болмай шықты.

Анықтай келгенде, жүргізуші балықты Шығыс Қазақстан облысы, Тарбағатай ауданы, Тұғұл ауылынан алып, Алматы облысына апара жатқанын айтқан. Сондай-ақ ол балықты өзінікі емес екенін айтқан. Оған Алматы облысына жүкті жеткізіп беру үшін ақы төленген екен.

Полиция болса, балықты браконьерлер аулаған деп санайды. Өйткені мұндай көлемде көксеркені аулауға тек ірі кәсіпорындарға ғана рұқсат беріледі. Балықты заңсыз аулауға байланысты сотқа дейінгі тергеу ісі қозғалды. Шығын көлемі 5 миллион теңгені құрайды.

Жыл басынан бері табиғатты қорғау полициясының қызметкерлері заңсыз балық аулау бойынша 11 фактіні анықтап, 85 тоннадан артық балық тәркіленді.

Загрузка...