Швейцариядағы Сирияға қатысты келіссөз нәтиже бермеді
Швейцарияның Лозанна қаласында Сириядағы жағдайды тұрақтандыруға бағытталған келіссөздер ешқандай нәтиже берген жоқ.
Көпжақты келісімге Ресей Сыртқы істер министрі Сергей Лавров пен АҚШ мемлекеттік хатшысы Джон Керри және Біріккен ұлттар ұйымының Сирия істері жөніндегі өкілі Стаффан де Мистура қатысқан деп хабарлады 24.kz.
Оған қоса Таяу шығыста бітімгерлік келісім орнатуға ниетті Түркия, Сауд Арабиясы, Иран, Катар, Иордания, Египет және Ирак елдерінің сыртқы істер министрлері қатысқан. Жиыннан кейін Ресей Сыртқы істер министрі, келісім болмаса да түрлі тақырыптар талқыланып, жаңа ұсыныстар жасалғанын атап өтті. Сол ұсыныстар бойынша алдағы күндері келіссөздер жалғасатынын мәлімдеді.
Айта кеткен жөн, Лозаннада басталған халықаралық кездесу жексенбі күні Лондонда жалғасады деп күтілуде. Еске сала кетейік, Сирияға қатысты бітімгерлік келісім қазан айының басында тоқтап қалған. Оған АҚШ пен Ресей тараптарының өзара келісімге келе алмауы себеп болды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз