Шетелдік БАҚ-тарда 387 спортшыдан тұратын Ресей құрамасы Олимпиада-2016 ойындарына бармауы мүмкін деген ақпараттар жариялануда. Мұның бірден бір себебі допинг дауы болуы мүмкін.
Бұл туралы stan.kz хабарлайды.
Нақтырақ айтсақ, британиялық танымал Daily Mail басылымында жарық көрген мақалаға қарағанда, Халықаралық олимпиада комитеті (ХОК) бүкіл Ресей құрамасын “мемлекеттік допингтік бағдарламасы” үшін жазалауға бекініп отырған көрінеді.
Ресейлік команданың Рио олимпиадасына қатысу-қатыспау туралы мәселесін ХОК ресми түрде бүгін қабылдап қалуы ықтимал. Рио-де-Жанейродағы олимпиада ойындары 5-21 тамыз аралығында өтеді.