Өткен тәулік ішінде қазақстандық шекарашылар жалпы салмағы жарты келі болатын есірткі заттарын шекарадан заңсыз алып өтпек болғандарды ұстады.
Бұл туралы ҚР ҰҚК Шекара қызметінің баспасөз қызметі хабарлады.
Қазақ-қырғыз шекарасының бойында орналасқан «Қордай-авто» бақылау-өткізу бекетінің шекарашылары қызметтік иттің көмегімен 30 жастағы Ресей Федерациясының азаматын ұстады.
Осы күні Қарасай шекара отрядына қарасты «Саты» заставасының шекарашылары Райымбек аудандық ішкі істер бөлімінің қызметкерлерімен бірлесе отырып, 39 жастағы азаматты ұстады. Ол салмағы 500 грамм болатын «гашишті» дайындап жатқан жерінен қолға түсті.