Әсет Исекешев таксистер туралы не ойлап жүр?

34 просмотров

Әсет Исекешев Қазақстанда такси шақыратын InDriver, Uber мен Aparu сынды ұялы байланыс қосымшаларының жағдайына қатысты өз пікірін білдірді.

ҚР Инвестициялар және даму министрі бұл пікірін Facebook-тегі жеке парақшасында жариялады.

 „Көп адам жағдайды түсіндіруді сұрайды. Бұл арада астыртын ештеңе жоқ. Жалпы, өз басым бәсекелестіктің болғанын қалаймын. Заңды сақтай отырып, Қазақстанда барлық компания теңдей жұмыс істеуге құқылы.

Инвестициялар және даму министрлігінің бұйрығымен жолаушыларды тасымалдау тәртібі енгізілді. Ол арада көлік жүргізушісінің медициналық анықтамасы және автокөлігінің техникалық құжаты болуы міндеттеледі. Мұның барлығы жолаушылар мүддесін көздей отырып, жасалды.

Жарлық жарияланып, баяғыда күшіне енген„ деп жазады министр әлеуметтік желідегі өзінің жеке парақшасында.

Сондай-ақ ол мұндай компаниялардың жұмысы такси қызметін „көлеңкелі„ экономикадан алып шығып, мемлекетке төленетін салықты көбейтеді деп есептейді. Өйткені ұялы байланыс қосымшасынан қандай такси, кімді тасымалдағанын бақылауға болады.

Министрдің айтуынша, бұл еліміздегі қылмыс көлемін төмендетуге де ықпалын тигізеді.

Исекешев отандық компаниялар (мысалы, Aparu) дамып, Uber сынды алыптармен бәсекелесуге мүмкіндік алатынын айтады. Министр мұндай қазақстандық жобалар жергілікті старт-ап жобаларды қолдайтын бағдарламалар аясында қаржыландыруға болатынын айтты.

Танымал InDriver ұялы қосымшасы еліміздің территориясында биыл сәуір айының соңында бұғатталған болатын.

Загрузка...