Сейітқазы Матаев 143 млн теңгені «жеп қойған» дейді

90 просмотров

«Қазақтелеком» АҚ Сейітқазы Матаевқа қарсы 143 млн теңгенің арыз-талабын берді. Тергеушілердің дәйектеріне сенсек, Сейітқазы Матаевтың иелігіндегі «Ұлттық пресс-клуб» «Қазақтелеком» АҚ тарапынан бөлінген 389 млн теңгенің 143 млн теңгесін қызмет ақысын жөнсіз арттыру арқылы «ұрлап алған». Матаевтың бұл тірлігін жүзеге асыруға «Қазақтелеком» АҚ-ның қызметкері Батыр Маханбетәжиев көмектесіпті.

Тергеушілердің мәліметінше, өзінің атақ-абыройын пайдаланған Сейітқазы Матаев Батыр Маханбетәжиевтен «Қазақтелеком» АҚ қызметі туралы БАҚ-та мақалалар жариялау жөніндегі тендерді алып беруге көмектесуді сұраған. Ал тендерді ұтып алғаннан кейін өзі «Қазақтелеком» АҚ мен елдегі газеттердің арасында делдал болған.

Батыр Маханбетәжиев тендер ережесі бойынша алыпсатарларға жол берілмеуі керек екенін біле тұра, Сейітқазы Матаевтың ұсынысын қабыл алған екен.

Айта кетсек, Сейітқазы Матаев пен оның ұлы Әсет Матаевқа мемлекеттің 300 млн теңгесін жымқырды деген айып тағылуда. Одан бөлек, Сейітқазы 200 млн теңгенің салығын төлеуден жалтарды деген айып бар.

48_wide

Загрузка...